1962an, Arthur Pennek eta Anne Bancroftek The Miracle Worker aurkeztu zuten Donostia Zinemaldiko Sail Ofizialean; hala, filmaren sustapenari ekin zioten, eta, azkenean, filmeko emakumezko aktore nagusiak (Anne Bancroft) Oscar saria beretu zuen, eta Patty Dukek, berriz, antzeztaldeko emakumezko aktore onenaren Oscar saria. Izan ere, Anne Bancroftek berak irabazi egin zuen, Zinemaldiaren hamargarren edizio hartan, emakumezko aktore onenaren Donostia Saria. Martxoko dokumentuak Victoria Eugenia Antzokiko atzealdean erakusten digu aktorea, saria jaso aurretik, zigarro bat erretzen, beste gonbidatu batzuk begira dituela.

Oso ezaguna da zinema-jaialdiek filmak hartu, aurkeztu eta sustatzeko duten eginkizuna, baita “sarien denboraldia” deiturikoan duten eginkizuna ere. Sustapen horren adierazle nagusia Oscar sariak dira, Hollywoodeko Akademiak hilabete honetan entregatzen dituenak. Donostia Zinemaldia udaren amaieran eta udazkenaren hasieran egiten denez gero, Oscar saietarako lasterketa egin eta irabazi duten hamaika film nazioartean aurkezteko aukeratutako zinemaldi-jaialdia izan da tradizionalki.

Edward Bergerren Conclave (2025ean Gidoi Egokitu Onenaren Oscar saria), Hayao Miyazakiren Kimitachi wa Dou Ikiru ka (Umea eta Koartza, Animazioko Film Onenaren Oscar saria 2024an), eta Ben Afflecken Argo (Film Onenaren Oscar saria 2012an) dira horren adibide paradigmatiko eta garaikideetako zenbaitzuk.

Alabaina, hilabeteko dokumentu honek agerian uzten duen bezala, fenomeno hori ez da oraintsukoa esklusiboki, Zinemaldiak hasiera-hasieratik aurkeztu izan baititu bere Sail Ofizialean (nola lehian hala lehiaz kanpo) geroago Oscar sariak irabazi dituzten filmak, hala nola hauek: Richard Fleischerren 20 Leagues Under the Sea (1955), Arte eta Efektu Berezien Zuzendaritza Onenaren Oscar Saria; David Leanen Doctor Zhivago  (1966), Arte Zuzendaritza, Jantzi Diseinu, Argazki, Musika eta Gidoi onenen Oscar sariak; Anthony Harveyren The Lion in Winter (1969), Emakumezko Aktore, Musika eta Gidoi onenen Oscar sariak; Sydney Pollacken They Shoot Horses, Don’t They? (1970), Antzeztaldeko Gizonezko Aktore Onenaren Oscar saria (Gig Young); Peter Bogdanovichen Paper Moon (1972), Antzeztaldeko Emakumezko Aktore Onenaren Oscar saria (Tatum O’Neal); Francis Ford Coppolaren The Godfather: Part II  (1975), Film, Zuzendari, Gidoi, Antzeztaldeko Aktore, Arte Zuzendaritza eta Musika onenen Oscar sariak; Steven Spielbergen E.T. the Extra-Terrestrial  (1982), Musika, Soinu, Soinu Efektu eta Ikus Efektu onenen Oscar sariak; Akira Kurosawaren Ran (1985), Jantzi Diseinu Onenaren Oscar saria; Brian de Palmaren The Untouchables (1987), Antzeztaldeko Gizonezko Aktore Onenaren Oscar saria (Sean Connery); eta Mel Gibsonen Braveheart (1995), Film, Zuzendaritza, Argazki, Makillaje eta Soinu Efektuen Edizio onenen Oscar sariak.