Antolatzaileak
Laguntzailea
Babeslea
Bilduma
Donostia Zinemaldiko artxiboaren bildumak Zinemaldiak zazpi hamarkadatan zehar ekoiztutako edo bildutako funtsak biltzen ditu. Funtsek jatorri eta ezaugarri desberdinak dituzte. Hainbat material mota biltzen dituzte (paperezko dokumentazioa, argazki-objektuak, kartelak, filmak, egunkariak eta argitalpenak), eta tratamendu- eta eskuragarritasun-fase desberdinetan daude. Zinemaldiko taldeak urteetan zehar babestuta, 2018an Zinemaldia 70 proiektua: historia posible guztiak proiektuak funtsa hauek kontserbatzeko, katalogatzeko eta digitalizatzeko lanei ekin zien, 2023ko urtarriletik aurrera beren kontsulta bermatzen.
Artxibo Orokorraren funtsa (AO)
- Dokumentazioa paperean. Donostia Zinemaldiak sortu zenetik artistekin, erakundeekin, enpresekin eta partikularrekin izandako korrespondentzia biltzen du, bai eta erakundeak sortutako txostenak, aktak eta bestelako dokumentazio administratiboko tipologiak eta beste jaialdi eta erakunde laguntzaile batzuekin lotutako materialak ere.
- Muturreko datak: 1953-2022.
- Deskripzio- eta irisgarritasun-tresnak:
- Kontsulta estandarrean artxibo historikoko materialak bakarrik egongo dira eskuragarri, hau da, eskaera egiten den unean 15 urte baino gehiagoko antzinatasuna duten materialak. 15 urte baino gutxiagoko antzinatasuna duten materialak Donostia Zinemaldiko artxibo administratibotzat hartzen dira, eta kontsulta berezitzat jotzen dira.
- 1953 eta 1997. urteen arteko 13.038 dokumentazio-espediente daude. Deskripzio-fitxa guztiak online-katalogoan eskura daitezke.
- 1997tik aurrerako materialak dokumentuz dokumentu daude deskribatuak. Katalogo hori in situ baino ezin da kontsultatu. Prestatu zure bisita.
José María Aycart funtsa (AYCART)
- Dokumentazioa paperean. José María Aycart Orbegozo (1928-2010) jaunaren bilduma pertsonaleko materialak biltzen ditu. Aycart jauna Cine Club San Sebastián (1950-1961) elkarteko presidenteordea eta sortzailea izan zen, Federación Nacional de Cine Clubeko kidea (1956an presidenteorde izan zen), Donostia Zinemaldiko Batzorde Exekutiboko kidea (1958-1964) eta Zinemaldiko zuzendarikidea (1963).
- Muturreko datak: 1954-1972.
- Deskripzio- eta irisgarritasun-tresnak:
- Funtsak 709 item ditu, dokumentuz dokumentu katalogatuak. Deskripzio-fitxak laster sartuko dira online-katalogoan. Katalogoa in situ kontsulta daiteke. Prestatu zure bisita.
Bideo Jaialdiaren funtsa (BJ)
- Dokumentazioa paperean. Artistekin, erakundeekin, enpresekin eta partikularrekin izandako korrespondentzia biltzen du, Bideo Jaialdiaren antolaketari dagokiona. Bideo Jaialdia Guadalupe Echevarríak zuzendu zuen 1982. eta 1984. urteen artean, Donostia Zinemaldiaren barnean.
- Muturreko datak: 1982-1984.
- Deskripzio- eta irisgarritasun-tresnak:
- Funts osoa 170 dokumentazio-espedientez dago osatua. Deskripzio-fitxak laster sartuko dira online-katalogoan. Katalogo osoa in situ kontsulta daiteke. Prestatu zure bisita.
Prentsa-artxiboaren funtsa (P)
- Dokumentazioa paperean. Donostiako Kultur eta Turismo Ekintzetxeak (1953-1955), Donostia Zinemaldiko lantaldeak (1961-1990) eta Hitz (1987-1989) eta Info (1987) agentziek bildutako prentsa-dosierrak barne hartzen ditu. Dosierrek Donostia Zinemaldiaren estaldura mediatikoarekin zerikusia duten prentsa-ebakinak eta bestelako materialak biltzen dituzte.
- Muturreko datak: 1954-2004.
- Deskripzio- eta irisgarritasun-tresnak:
- Online-katalogoak eta 1990. urteen arteko 300 prentsa-dosierren deskripzio-fitxak biltzen ditu.
- 1953 eta 1955 bitarteko materialen fitxak aurki sartuko dira online-katalogoan, eta in situ kontsulta daitezke. Prestatu zure bisita.
- 1991 eta 2004. urteen arteko materialak gordailuan daude eta gaur egun ez daude kontsultarako eskuragarri.
Argazki-funtsa
- Donostia Zinemaldiko argazki-funtsean 55.000 objektu fotografiko inguru daude, guztira. Honako prozesu eta formatu hauek biltzen ditu, maiztasun handienetik txikienera: kopia fotografiko kromogenoak eta zuri-beltzekoak, paper plastifikatu eta plastifikatu gabearen gainean, formatu desberdinetakoak; negatibo kromogenoak, zelulosa-azetatozko 35 mm-ko filmaren gainean; eta diapositiba kromogenoak, 5×5 cm-koak.
- Muturreko datak: 1953-2008.
- Deskripzio- eta irisgarritasun-tresnak:
- Online-katalogoak 1953. eta 1987. urteen arteko Zinemaldiko argazki-funtseko 13275 objekturen deskripzio-fitxak biltzen ditu. Era berean, Kutxa Fundazioaren Fototeka bildumako 2409 objekturen deskripzio-fitxak kontsultatzeko aukera ematen du.
- Funtsaren gainerakoa tratamendu-prozesuan dago, eta gaur egun ez dago kontsultarako eskuragarri.
Kartelen funtsa (K)
- Donostia Zinemaldiko kartelen funtsak hiru material mota biltzen ditu:
- Guztira, 317 diseinu originalen 7.900 kopia inguru, plastifikatutako eta plastifikatu gabeko paperaren gainean, formatu desberdinetakoak. Artxibo-irizpideen arabera, 948 ale gorde dira, guztira (diseinu bakoitzaren hiru ale, kontserbazio-egoera onenean daudenak).
- Sorkuntza-prozesuak. Zenbait kartelen aurretiko zirriborroak, teknika ugaritan (arkatza, gouachea, tinka, teknika mistoa, collagea).
- 84 diseinu film gardenaren gainean. Diseinu edo modelo bakoitza 2, 4 edo 5 fotolitok osatzen dute.
- Muturreko datak: 1960-2022.
- Deskripzio- eta irisgarritasun-tresnak:
- Kontserbatutako kartel eta sorkuntza-prozesu guztiak online kontsulta daitezke bilduma digitaletan.
- Fotolitoak ez daude eskuragarri kontsultarako.
Filmategia
- Donostia Zinemaldiak lehiaketan saritu edo programatu ziren filmen emanaldi-kopiak gordetzen ditu. Funtsa 1995ean gordailutu zen Euskadiko Filmategiaren bilduman, eta 120 film luze, 36 film labur eta 8 albistegi biltzen ditu.
- Muturreko datak: 1953-1993
- Irisgarritasuna:
- Zinemaldiko filmategia gaur egun ez dago eskuragarri kontsultarako.
Egunkariak eta liburutegia
- Donostia Zinemaldiaren egunkari ofiziala hainbat goibururekin argitaratu da historian zehar: Festival (1954-1987, 1990, 1993-2006), Festival de Cine (1988-1989), Moving Pictures (1991-1992, izen bereko argitalpenaren edizio berezi gisa), Diario del Festival (2007-2009) eta Zinemaldia (2010-presente).
- Muturreko datak: 1954-2022
- Eskuragarritasuna: artxiboan gordetako egunkarien 711 aleak digitalizatu egin dira eta kontsultatzeko moduan daude.
- Donostia Zinemaldiak editatu edo koeditatutako edizio eta liburuen katalogo guztiak Medialab Tabakaleran daude gordeta eta kontsulta publikorako irekiak daude.